“La poezio es la linguo dil sonji.”

T. M.



lunedì 22 giugno 2009

Bona vakanci!

Kara lekteri,
ja esas somero, e la sendi di ca blogo* interruptesas dum ica sezono;
oli rikomencos en autuno, ma kompreneble dum la tota somero vi povos durar lektar lo ja publikigita.
La rendevuo esas por septembro, kande vi trovos nova sendaji.
Bona vakanci!
Tiberio

lunedì 8 giugno 2009

AZURO

AZURO

Sidanta
sub la cielo pastelnuanca
desegnita por ni
ni revadas;
nia okuli regardas
nia okuli
e la fantazio
en la pensi
dans
segun la ritmo
skandata da nia kordii
inkandecanta
qui puls
necesanta
per l'elektro
radiata
dal azuro
vivoza
di nia okuli.

T. M.

L’INF... IN IDO!

Me tradukis la sequanta poemo ad Ido cirkume ante un yaro, ma til nun me ne publikigis olu hike: me ne tre prizis ol pro le tro multa “c”. T...